Despedida...

Isto chegou a súa fin e hoxe toca despedirnos... 

Antes de nada, gustaríame darvos as gracias por seguirnos día tras día nas nosas publicacións. 

A creación deste blog foi unha experiencia novidosa e única para min, xa que nunca antes tivera un. Nel, tanto a miña compañeira Tania e eu, plasmamos todas as actividades e recursos que elaboramos, ademais de facer unha pequena explicación de cada un deles.

Durante este cuatrimeste, na materia de Novas Tecnoloxías, podo dicir que aprendín moito acerca de blogs, ferramentas e actividades que estou segura de que me serán de gran axuda na miña futura labor coma docente. Ademais, non só aprendín sobre as TIC, senón que tamén aprendín técnicas e habilidades que me poden ser de gran apoio no meu día a día; como, por exemplo, como podería mellorar as miñas exposicións cun soporte visual en PowerPoint e a miña posta en escena.

Espero que disfrutarades moito con nós neste blog e que aprenderades moito acerca dos entroidos das tres vilas que conforman o Triángulo Máxico. Non dubidedes en acudir ao Entroido, estou segura de que disfrutariades moito!

 Unha aperta moi forte a todos os que nos seguistes!💗

Despedida...

Chegamos ao fin...

Con esta entrada despídome de todos vos, os que nos seguistes día tras día. 
Foi unha experiencia única a posibilidade de realizar un proyecto tecnolóxico e un blog, para ampliar os meus coñecementos sobre as novas tecnoloxías, a partir da utilización de diversas ferramentas, que con anterioridade non coñecía.

Coa elaboración do noso proxecto, aprendín unha morea de cousas (realizar actividades nultimedia, elaborar nubes de tags e códigos QR, deseñar un póster...). 
Ademais, foi un pracer poder compartir as nosas actividades cada semana con todos vós, as cales espero que fosen do voso agrado e que vos poidan servir de axuda á hora de ampliar os vosos coñecementos sobre o Entroido das tres vilas ourensáns (Verín, Xinzo de Limia e Laza) que compoñen o Triángulo Máxico. 


En definitiva, para min foi un pracer estar con todos e todas vos, polo que so me queda dicir:

Moitas grazas por estar día tras día,  e un bico!

😻💛💘😍😍❤️❤️❤️❤️

Proxectos expostos

Bos días!

Estamos chegando ao fin. Na última sesión, tiveron lugar as diferentes exposicións dos proxectos realizados por parte dos nosos compañeiros e compañeiras e, tamén, pola nosa parte.

Nestas exposicións, falamos sobre qué fixemos, é dicir, todas as actividades multimedia realizadas, o blog que creamos e o proxecto que levamos a cabo, no noso caso, unha revista dixital. Tamén explicamos cómo fixemos todas estas actividades a través de diferentes ferramentas. E, por último, explicamos porqué o fixemos. Para explicar todo iso, tivemos 5 minutos por persoa.

Desde o meu punto de vista, considero que todas as exposicións foron agradables e entendéronse de forma correcta e coherente, e que reflictiron todo o traballo que levamos facendo durante todo este tempo. 

Ademais, o soporte visual para levalas a cabo foi, en todos os casos, unha presentación de diapositivas realizadas nun PowerPoint, que permitía seguir a exposición de forma correcta e tiñan unha presentación moi agradable e adecuada para a vista.

Ata a próxima publicación!

Exposicións de aula

Moi boas a todos e a todas!

Hoxe, veño falarvos un pouco sobre a exposición dos proxectos de Novas Tecnoloxías, que expuxeron os meus compañeiros e as miñas compañeiras.

En primeiro lugar, teño que dicir que os traballos dos meus compañeiros e compañeiras foron moi satisfactorios, xa que todos/ as elaboraron un bo proxecto final.

En segundo lugar, as presentacións, dende a miña perspectiva, estiveron acordes aos contidos dos proxectos que elaboraron os meus compañeiros/as.

Por tanto, dende o meu punto de vista, creo que todos fixemos un bo traballo e que as exposicións elaboráronse de maneira correcta e foron axeitadas aos proxectos e aos contidos de cada un deles.

Ata a próxima semana!

Informe Final

Ola a todos e a todas!

Despois da realización de todas as actividades e recursos interactivos, traemos o informe final que elaboramos sobre o noso proxecto de prácticas: unha Revista Escolar Dixital.

Nel explicamos o porqué da nosa elección do proxecto, á hora de decantarnos pola revista dixital  e o contexto onde o levariamos a cabo. Ademais, aparecen reflictidos os obxectivos e as competencias clave que pretendemos conseguir coa elaboración do noso proxecto.

Inclúe tamén unha táboa de cada actividade realizada, cunha breve descrición, onde a levariamos a cabo e a duración desta.

E, por último, escribimos unha pequena conclusión.

Presentación

Benvidos e benvidas un día máis!

Hoxe queremos mostrarvos o soporte visual: unha presentación de diapositivas en PowerPoint, que empregaremos na nosa exposición sobre o noso proxecto final, ante os nosos compañeiros, compañeiras e profesores.

Esperamos que vos guste!

Revista Dixital

Moi boas entroideiros e entroideiras!


Nos últimos días estivemos elaborando a nosa Revista Escolar Dixital, para iso empregamos a ferramenta TIC: Calameo, un recurso moi útil para a realización de revistas dixitais e moi fácil de manexar.

Deixamos aquí o ENLACE a revista. 

Na nosa revista ides atopar todas as actividades, que realizamos ao longo do curso, relacionadas co Triángulo Máxico do Entroido galego. A través de diferentes ferramentas, tales como: Hot Potatoes, EducaPlay, EdiLim, Glogster...

Esperamos que vos gusten e que vos sirvan de axuda para ampliar os coñecementos sobre o Entroido. Ademais de divertirvos mentres as facedes. 

Ata a vindeira xornada!

Última ferramenta nova... JClic

Ola a todos e a todas!

Nestas últimas semanas estivemos explorando e coñecendo novas ferramentas, como ben vos contei nos meus anteriores post. 

Nesta publicación contareivos sobre a última das novas ferramentas, JClic, outro recurso moi útil para levar a cabo diversas actividades multimedia interactivas.

Con esta ferramenta, só elaborei un Crucigrama, na que os alumnos e alumnas, a partir dunha serie de enunciados ou definicións, deben escribir a palabra que consideren correcta nos recadros do crucigrama.

É un crucigrama sinxelo de realizar e no que se poden aprender novo vocabulario acerca do entroido das tres vilas que conforman o Triángulo Máxico. Podedes acceder pinchando no seguinte enlace: Crucigrama.

Un saúdo e espero que disfrutedes destas actividades!

Actividades Multimedia Ardora

Ola a todos e a todas!

Hoxe, veño a falarvos dunha nova ferramenta TIC que empreguei para realizar dúas actividades multimedia interactivas. Esta ferramenta chámase Ardora e é unha aplicación informática, que permite crear contidos propios, dun xeito moi sinxelo, sen ter coñecementos técnicos de deseño ou programación web. 

A primeira das actividades que elaborei foi unha sopa de letras na que o alumnado deberá buscar palabras relacionadas coas vilas que conforman o Triángulo Máxico do Entroido galego.

E, a segunda delas, é un puzzle que consiste en mover os cadrados ata opter unha imaxe relacionada co Entroido galego. Neste caso, a figura que o alumnado debe descubrir é a imaxe de todas as máscaras do Entroido de Galicia.

Deixo o ENLACE por aquí.

Ata a próxima semana!

Seguimos coñecendo novas ferramentas... EdiLim

Benvidos e benvidas de novo!

Como vos contei na miña última publicación, seguimos explorando e coñecendo novas ferramentas. Hoxe véñovos a falar sobre outra delas, sobre EdiLim.

Esta ferramenta é útil para levar a cabo actividades de todo tipo. Eu creei 3 actividades interactivas: unha sopa de letras, unha de identificar imaxes e outra de relacionar.

Na Sopa de Letras, o alumnado debe atopar diferentes palabras relacionadas co entroido dunha das tres vilas que compoñen o Triángulo Máxico, neste caso, con Verín. Para iso, contan coas definicións das palabras para que lle sea máis doado atopalas.

Na actividade de Identificar Imaxes, os alumnos e alumnas deben identificar que é cada imaxe, para iso deben relacionar as palabras expostas coas imaxes dadas.

E, finalmente, na actividade de Relacionar, o alumnado debe relacionar as imaxes e palabras coas vilas do Triángulo Máxico, onde se leve a cabo dita actividade.

Podedes acceder a estas actividades a través do seguinte enlace: EdiLim Actividades.

Espero que disfrutedes das actividades, un bico!

Actividades Multimedia Edilim

Boas a todos e a todas!

Esta semana, estivemos elaborando unha serie de actividades interactivas relacionadas co Entroido do Triángulo Máxico.

Para realizar estas actividades, empreguei unha aplicación que se chama Edilim, a cal permite crear diferentes materiais educativos en formato de Libro Interactivo Multimedia.

A primeira actividade que elaborei foi un puzzle que consiste en mover os diversos cadrados ata lograr formar unha imaxe relacionada co Triángulo Máxico. Neste caso, a imaxe que o alumnado debe descubrir é a figura principal do Entroido de Verín, o Cigarrón.

E, a segunda actividade realizada é de relacionar, consiste en que os nenos e nenas deben agrupar seis fotos en dous bloques, estes bloques están relacionadas co Entroido de Xinzo de Limia e co Entroido de Laza.

Deixo aquí o ENLACE as actividades realizadas.

Espero que vos gusten e ata a vindeira xornada!

Coñecendo novas ferramentas... Hot Potatoes

Moi boas a todos e a todas!

Nestas últimas semanas estivemos explorando e coñecendo novas ferramentas para a elaboración de novas actividades multimedia. 

Hoxe vouvos a falar dunha delas, que se chama Hot Potatoes. Esta ferramenta permite a creación de diversas actividades multimedia, a través de diferentes recursos que son JCloze, JCross, JMatch, JQuiz e JMix, que posteriormente se xuntan con The Masher.

Con esta ferramenta levei a cabo 3 actividades interactivas sobre o Triángulo Máxico do Entroido galego, co fin de que o alumnado enriqueza os seus coñecementos sobre o entroido destas tres vilas e, así, sobre a cultura do seu entorno.

A primeira das actividades foi un pequeno cuestionario realizado con JQuiz, composto por preguntas sinxelas acerca do Triángulo Máxico, na que os alumnos e alumnas deben elixir a opción que consideren correcta. 

A segunda delas, foi unha actividade de relacionar con JMatch, na que o alumnado debe unir as frases da columna da esquerda coas frases da columna da dereita, de xeito que formen unha oración con sentido completo sobre o entroido.

E, por último, levei a cabo unha actividade de ordenar con JMix, na que o alumnado debe arrastrar as frases expostas para poñelas en orden co obxectivo de crear unha oración acerca do entroido destas vilas de forma correcta e con sentido.

Ademais, ao finalizar, empreguei o The Masher para unir todas as actividades realizadas con Hot Potatoes, que podedes ver e realizar pinchando neste enlace.

Un saúdo e vémonos na seguinte publicación, onde vos traerei outra ferramenta nova!

Actividades Multimedia Hot Potatoes

Ola chicos e chicas!

Hoxe, veño a mostrarvos unha nova ferramenta TIC que se chama Hot Potatoes coa que se poden crear diversas actividades interactivas. Hot Potatoes está composto por seis  recursos ou ferramentas que se denominan JQuiz, JCloze, JMatch, JCross, JMix e The Masher.

Con esta ferramenta elaborei tres actividades que están relacionadas co Entroido do Triángulo Máxico.

A primeira actividade elaborada chámase “Ordena a frase” que consiste en ordenar unha frase colocando as diversas partes dela que aparecen debaixo desordenadas.  Para realizar este exercicio utilicei o recurso JMix.

JMatch foi o recurso elexido para elaborar a segunda actividade “Cada un coa súa parella” que consiste en emparellar, é dicir, o/a alumno/a deberá facer coincidir os elementos da dereita cos elementos da esquerda.

E, finalmente, a terceira actividade elaborada chámase “Crucigrama” e consiste en completar o crucigrama coas diferentes pistas que irán aparecendo. Para realizar esta actividade empreguei o recurso JCross. Ademais, usei Masher para unir e enlazar as tres actividades realizadas.

Deixo aquí o ENLACE as actividades.

Espero que as actividades elaboradas e a ferramenta enpregada “Hot Potatoes” sexa do voso agrado, xa que é un recurso moi útil para realizar exercicios de apoio ao alumnado.

Ata a semana que vén!

Actividades Multimedia Educaplay

Moi boas Entroideiros e Entroideiras!

Nesta semana, estivemos elaborando unha serie de actividades multimedia moi sinxelas, relacionadas co noso tema, o Triángulo Máxico do Entroido galego.

Eu elaborei un Crucigrama, no que tedes que atopar diversas palabras relacionadas co Entroido destas vilas, a partir dunha imaxe ou dunha pequena descrición. Só tedes que escribir a palabra que creades que é a adecuada.

Tamén creei unha pequena Adiviña, na que debedes acertar que se esconde nesa imaxe, coa axuda 6 pequenas pistas, sobre algún compoñente do Entroido.

E, por último, redactei un pequeno Texto que, para que teña sentido, debédelo completar coas diversas palabras relacionadas deste Entroido. Só hai que seleccionar a palabra que se considere axeitada para o oco.

Esperamos que vos gusten e vos sirvan para coñecer un pouco mellor o Entroido destas vilas. Ademais de disfrutar levándoas a cabo e, por suposto, compartíndoas cos/as vosos/as amigos/as.

Vémonos no próximo post, un saúdo!

Actividades Multimedia Educaplay

Ola a todos e a todas!

Hoxe, comezamos unha nova sección no blog, na que iremos publicando diversas actividades multimedia creadas por nos mesmas.

As actividades multimedia, que vos mostrarei a continuación, foron creadas na última sesión coa ferramenta Educaplay. Esta ferramenta ofrece unha gran cantidade de posibilidades para realizar actividades intereactivas de forma on line.

Por un lado, elaborei unha Sopa de Letras na que o alumnado deberá buscar palabras que teñen relación co Entroido do Triángulo Máxico.

Por outra banda, realicei unha actividade que consiste en Ordenar Letras para obter unha palabra relacionada co Entroido. O único que deberán facer é arrastrar as letras ata o sitio adecuado.

E, para rematar, creei un Test no que os alumnos e alumnas poden poñer a proba os seus coñecementos sobre o Entroido. A proba consta de cinco preguntas moi sinxelas, na maioría das preguntas o alumnado poderá elixir entre 4 catro respostas aínda que, tamén aparece algunha pregunta na que deberán escribir a resposta.

¡Ata a próxima entrada amig@s!

Caza do Tesouro

Ola a todos e a todas!!

Nos últimos días estivemos elaborando unha Caza do Tesouro relacionado co Triángulo Máxico do Entroido galego, composta por unha pequena introdución, unha serie de preguntas e unha pregunta grande.

Para responder a esas preguntas puxemos enlaces a páxinas onde poder obter a información necesaria.

Ao final, tamén puxemos os criterios de avaliación e os créditos.

Esperamos que vos guste, podedes clicar AQUÍ para acceder á nosa Caza do Tesouro.

Un bico e ata a próxima!

Recursos Audiovisuais

¡Boas a todos e a todas!

Como ben puidestes observar nas anteriores entradas, mostrámosvos unha serie de recursos que foron elixidos por nós en diversos repositorios para incluír no noso proxecto final.

Pois ben, hoxe traemos unha serie de recursos audiovisuais creados por nós mesmas, para confecciónalos tivemos que utilizar algunhas das ferramentas que vos mostramos a semana pasada.

Por unha banda, Tania creou un Voki no que, unha personaxe disfrazada de vaqueira, invita aos nenos e nenas a acudir ao Entroido do Triángulo Máxico. Ademais, esta personaxe realiza unha recopilación do que poden encontrar nestas vilas durante os días nos que se celebra o Entroido.

Por outro banda, Uxía elaborou un Videoquiz con Educaplay no que se fala a grosso modo sobre o Entroido de Verín, Xinzo de Limia e Laza. Durante o transcurso do video irán aparecendo diversas preguntas para que os nenos e nenas poñan a proba a súa capacidade memorística e de atención.

E, para rematar, creamos en conxunto un video turorial no que falamos do Entroido en Galicia, concretamente do denominado Triángulo Máxico, o cal está formado polas vilas de Verín, Xinzo de Limia e Laza. Neste video tutorial mostraremos como é o día a día nestas vilas durante as semanas previas e a semana grande do Entroido xa que, este triángulo segue tendo as súas bases na tradición e na historia deses pobos.

¡Ata a próxima amigos e amigas!

Recursos Audiovisuais

¡Benvidos e benvidas un día máis!

Comezamos unha nova sección no noso blog, que terá como obxectivo principal a creación de recursos audiovisuais.

Por iso, hoxe veño a falarvos sobre dúas ferramentas que me pareceron moi útiles e sinxelas á hora de crear recursos audiovisuais.

Por unha banda, Stop Motion é unha ferramenta que nos permite crear unha animación ou un corto a partir dunha técnica de rodaxe. Esta técnica, consiste en realizar diversas fotografías que van variando de posición ata lograr un efecto de movemento. Unha vez realizadas todas as secuencias fotográficas, traballaremos  cun editor de vídeo, como Monkey Jam ou dragonframe, nos que poderemos crear un vídeo cunha maior calidade.

Por outra banda,  a seguinte ferramenta da que vos vou falar é PowToon que nos permite realizar vídeos e presentacións, tanto a nivel laboral ou profesional como a nivel persoal. Cabe destacar, que esta ferramenta é moi sinxela de usar xa que, para crear un vídeo simplemente deberemos arrastrar os diversos carácteres. Ademais,  en PowToon poderemos facer vídeos animados para os máis pequenos, os cales aprenderán coñecementos dunha forma máis amena e divertida.

¡Ata o vindeiro post amigos e amigas!

Recursos Audiovisuais

De seguro que a todos e a todas bos vos gustaría aprender de forma animada e divertida, non? 

Pois ben, nos últimos días estivemos observando e probando as ferramentas suxeridas na aula para aprender a crear os nosos propios recursos audiovisuais, que nos serán de gran axuda na nosa futura labor como docentes, para que os nosos alumnos e alumnas aprendan de forma divertida e animada.

Hoxe falarémosvos dalgunhas destas que nos pareceron de gran utilidade. 

A min, persoalmente, gustoume moito EducaPlay, xa que é unha ferramenta moi sinxela de manexar e, sobre todo, porque ademais de traer un amplo abanico de diferentes actividades para realizar, permite crear os nosos propios recursos coma, por exemplo, actividades de completar, crucigramas, videoquiz, ditados, test, presentacións e moitos máis. Desde o meu punto de vista, considero que é unha ferramenta de gran utilidade e que se pode aprender moito de forma animada grazas a ela.

Para rematar, gustaríame falarvos doutra ferramenta que seguro que vos é de gran utilidade no voso día a día, o editor de vídeo Movie Maker. A diferenza da anterior ferramenta, esta haina que descargar, pero tamén é sinxela de manexar. Permítenos realizar estupendos vídeos ou películas, que podemos personalizar ao noso gusto, a través de numerosas fotos, vídeos e audios.

Espero que vos sexa de gran utilidade esta información e que creedes diversos recursos animados e divertidos. 

Ata a próxima!

Póster Dixital

¡Boas a todos e a todas!

Seguro que nas anteriores entradas vos preguntastes que función desempeñarían os recursos elixidos. Pois ben, hoxe sacarémosvos de dúbidas.

Os recursos que vos mostramos con anterioridade non foron elixidos ao azar, senón todo o contrario xa que, os escollemos minuciosamente para posteriormente crear un póster coa aplicación Glógster.

O póster, que vos mostraremos a continuación, está integrado polos recursos didácticos; por unha nube de tags creada por nós mesmas na que, aparecen as palabras máis senlleiras do Entroido do Triángulo Máxico e por un código QR que serve para que, vos os usuarios poidades visitar a nosa páxina web a través do móvil.

Pois, con isto, rematamos  a sección dos recursos dixitais. Esperamos que fose do voso agrado e que vos sirvan de moita utilidade.

Moitas grazas e… ¡Ata a próxima entrada!

Últimos recursos

¡Bos días a todos e a todas! 

Despois deste tempo que estivemos un pouco ausentes, como ben dixo a miña compañeira, traémosvos unha serie de recursos didácticos cos que ampliar os coñecementos sobre o Entroido, ao mesmo tempo que vos entretedes e o pasades ben. 

Eu téñovos preparados 3 recursos dos máis interesantes. O primeiro que escollín chámase "Caza do Tesouro: O Entroido en Galicia", que é un recurso moi útil para ampliar os coñecementos do alumnado con respecto ao Entroido, mediante a realización de diversas cuestións relacionadas con este. Podedes acceder clicando aquí.

O segundo que escollín ten un nome moi divertido "Entroido na Carballeira". Este é un recurso que se centra en diversas actividades, como contos, xogos, disfrazar aos personaxes, colocar as palabras nos recadros axeitados, etc. O obxectivo deste recurso é fomentar a tradición do Entroido, a través dunha historia sinxela. Podedes acceder aquí.

E, por último, seleccionei outro máis que, seguro que vos gusta moito, xa que interveñen nel as personaxes dos debuxos animados Lilo e Stitch. O recurso chamado "Stitch, el maestro del disfraz" é un recurso didáctico que consiste en disfrazar á Stitch a partir dun modelo que é dado previamente. O obxectivo deste recurso é ampliar os coñecementos que ten o alumnado sobre o Entroido. Podedes acceder aquí.

Espero que vos gusten moito. Vémonos pronto, un saúdo!

Recursos

¡Ola a todos e a todas!

Hoxe vouvos a falar dos recursos escollidos para o noso proxecto de aula. Aínda que parece que estivemos un pouco ausentes, en realidade estivemos traballando para conseguir os mellores recursos.

Por una banda, o primeiro recurso seleccionado foi O Entroido en Galicia que consiste en responder a preguntas ou continuar frases cunha palabra ou varias relacionadas co Entroido, seguindo a orde das letras do alfabeto. Co obxectivo de ampliar os coñecementos sobre o Entroido. Deixareivos por AQUÍ o enlace a este recurso.

Por outra banda, elixin o recurso Tipos de disfraces que consiste en atopar nunha sopa de letras diferentes tipos de disfraces. O obxectivo é ampliar o vocabulario que ten o alumnado con respecto ao Entroido. O ENLACE estará a vosa disposición.

E por último, seleccionei un recurso do máis divertido chamado Bikini Bottom Carnival que trata a temática do Entroido, a partir da realización de diversos xogos parecidos aos que se levan a cabo nalgunhas festas. O obxectivo fundamental deste recurso é transmitir os valores relacionados co Entroido. Ademais, o alumnado incluso pode aprender inglés. A continuación, deixareivos o ENLACE.

¡Ata o vindeiro post amigos e amigas!

Proseguimos...

¡Benvidos un día máis ao noso blog!

Nas seguintes publicacións explicaremos as diferentes prácticas que vaiamos levando a cabo nas sesións da materia de Novas Tecnoloxías.

Na última delas, tivemos que decantarnos por un dos diversos proxectos a elixir pero, para iso, primeiro botámoslle unha ollada ao documento 3 "Proxectos de Prácticas", aí atopámonos con diversos enlaces dos diferentes proxectos a elixir. Despois de consultalos decantámonos por elaborar unha Revista Escolar Dixital, xa que aínda que, hoxe en día, unha gran porcentaxe de aulas contan con recursos TIC para empregala, ademais de que as TIC están presentes no noso día a día, polo que deseñaremos diversas activades que plasmaremos posteriormente na revista, co fin de que o alumnado aprenda a empregar de forma adecuada e positiva as novas tecnoloxías, ademais de fomentar a lectura nestes.

Seguiremos subindo diversas publicacións para mantervos informados, non vos esquecemos!

Un saúdo e moitas gracias por visitar o noso blog. 

Continuamos...

Seguimos traballando neste blog por iso iremos subindo pouco a pouco todos os traballos que vaiamos elaborando na materia.

Para comezar, tivemos que elixir cal sería o noso proxecto e, despois de darlle moitas voltas, decidimos traballar no tema da Revista Dixital, xa que, cremos que aínda segue sendo un instrumento pouco coñecido.

Ademais, estivemos revisando o documento 3: Proxectos de prácticas, no cal me decantei polos “Recursos para realizar un Periódico ou Revista Escolar Dixital” que recolle actividades de diversas áreas de coñecemento, as cales se poden realizar nunha aula de maneira divertida e amena.

Nos vindeiros post haberá moitas máis novidades con respecto aos novos proxectos que non debedes perder.

Un bico e moitas grazas pola vosa atención.

REFLEXIÓNS TEÓRICAS

EXPERIENCIAS PRÁCTICAS

RECURSOS PARA A AULA

FERRAMENTAS TIC

REFLEXIÓN INICIAL

¡Moi boas a todos e a todas!

Aquí vos traemos un blog cargadiño de entradas sobre o Entroido galego, en especial, sobre o famoso "Triángulo Máxico" composto polas vilas de Verín, Xinzo de Limia e Laza. 

Eliximos este tema, xa que, como ben dixo a miña compañeira, provimos dunha das vilas deste triángulo; pero non só por iso, tamén, porque é unha Festa de Interese Turístico Nacional que pertence á nosa cultura e non queremos que se perda, por iso, neste blog queremos transmitir os nosos valores ancestrais a nivel internacional.

Con respecto á materia, considero que só teño os coñecementos básicos en informática, polo que esta materia, tanto a nivel teórico como a nivel práctico, axudarame a formarme máis neste ámbito, o cal poderei aplicar na miña futura labor como docente, ademais de aplicalo tamén no meu día a día, xa que na actualidade as novas tecnoloxías desempeñan un papel fundamental.

¡Un saúdo e ata a próxima entrada!

REFLEXIÓN INICIAL

¡Benvidos e benvidas a todos e todas ao blog!

Antes de nada, gustaríame aclarar que este blog foi creado para a materia de Novas Tecnoloxías, na cal eliximos o tema “Triángulo Máxico” que se refire, como o seu nome ben indica, ao triángulo que mellor representa o Entroido galego. 

Ademais, a miña compañeira e eu escollemos esta temática por dous motivos; un deles é que nos sentimos moi identificadas co Triángulo Máxico, xa que nos provimos dunha das vilas deste triángulo; e o outro motivo é que temos que loitar para que a nosa cultura siga presente no noso día a día.

En canto á materia, teño que dicir,  que non puiden acudir a primeira clase polo que pouco a pouco estou adquirindo nova información acerca desta. Aínda que, eu penso que as prácticas desta materia me van a ser moi útiles para desenvolver a miña futura labor de docente.

Un pracer e… ¡Ata o próximo post!